"Yuventus"un keçmiş qapıçısı Voyçex Şesni pulsuz olaraq "Barselona"ya keçir.

Matc.az xəbər verir ki, bu barədə məlumatı "Relevo" paylaşıb.

Bildirilir ki, avqustda karyerasını başa vuran polşalı qolkiper Kataloniya klubundan dəvət aldıqdan sonra futbola qayıtmaq qərarına gəlib. Ciddi zədə səbəbindən mövsümün qalan hissəsində Mark-Andre ter Ştegeni itirən "Barselona" almaniyalının yerinə 34 yaşlı polyakla müqavilə bağlamaq qərarına gəlib.

Qeyd edək ki, Voyçex Şesni 2017-ci ildə "Arsenal"dan "Yuventus"a keçib və Turin klubunda 252 oyun keçirib. Üç dəfə A Seriyası çempionu olub və üç İtaliya Kubokunu qazanıb. Şesni yayda klubdan ayrıldıqdan sonra azad agent olub və karyerasını başa vurduğunu açıqlayıb.