“Real”ın hücumçusu Kilian Mbappenin durumuna aydınlıq gəlib. Matc.az xəbər verir ki, Fransa millisinin üzvü 3 həftə komandasına kömək edə bilməyəcək.

25 yaşlı yeni transferə tibbi müayinədən sonra bu diaqnoz qoyulub. Onun sol budunda zədə aşkarlanıb. Mbappe La Liqanın VIII turu çərçivəsində sentyabrın 29-da “Atletiko”ya qarşı keçiriləcək Madrid derbisini buraxmalı olacaq.

Qeyd edək ki, Kilian Mbappe La Liqanın VII turunda “Alaves”lə (3:2) oyunda zədələnib.

***

Madrid "Real"ının heyətində ciddi itki baş verib. Matc.az xəbər verir ki, “kral klubu”nun futbolçusu Kilian Mbappe zədə alıb.

Fransalı hücumçu İspaniya çempionatının 7-ci turunda "Alaves"lə keçirilən oyunda (3:2) ayaq əzələsində ağrı hiss etdiyi üçün əvəzlənib.

Mbappenin zədəsinin nə dərəcədə ciddi olduğuna tibbi müayinədən keçdikdən sonra aydınlıq gələcək. Bununla belə, onun "Atletiko" ilə keçiriləcək çempionat matçını buraxmaq ehtimalı böyükdü.