"Beşiktaş"da icarə əsasında çıxış edən Co Uorrall İstanbul klubundan ayrılıb. Matc.az xəbər verir ki, təcrübəli müdafiəçi transfer hüququ məxsus olduğu "Nottinqem Forest"ə qayıdıb.

Məlumatı Uorrall sosial şəbəkə hesabında açıqlayıb. “Beşiktaş” 27 yaşlı futbolçunu qışda icarə əsasında heyətinə qatmışdı.

Qeyd edək ki, Uorrall bu mövsüm 18 matçda 1 qola imza atıb. O, “Beşiktaş”ın heyətində Türkiyə Kubokunu qazanıb.