15 Sentyabr 2022, 12:33

Futbol üzrə Qazaxıstan millisinin müdafiəçisi Nuralı Alip UEFA Millətlər Liqasının qrup mərhələsi çərçivəsində Azərbaycan və Belarus yığmalarına qarşı keçirəcəkləri oyunlarla bağlı fikirlərini bölüşüb. Matc.az xəbər verir ki, Rusiyanın "Zenit" klubunda çıxış edən 23 yaşlı futbolçu daha çox xal qazanmaq üçün əllərindən gələni edəcəklərini bildirib:
 
"Düşünürəm ki, rəqiblər bizimlə matça fərqli hazırlaşacaqlar. Artıq onlar necə oynadığımızı bilirlər. Bizə daha çətin olacaq. Qrupu ilk pillədə başa vurmaq üçün bir qələbəyə ehtiyacımız var. Psixoloji təzyiq də ola bilər. Amma düşünürəm ki, bunun öhdəsindən gələcəyik və her şey yaxşı bitəcək".
 
Sentyabrın 22-də Belarusu qəbul edəcək Qazaxıstan yığması bundan 3 gün sonra "Dalğa Arena"da Azərbaycan millisinin qonağı olacaq. Qazaxıstan 10 xalla C Liqasının 3-cü qrupuna başçılıq edir. Slovakiya 6 xalla 2-ci, Azərbaycan 4 xalla 3-cü, Belarus isə 2 xalla 4-cü yerdədir.
 

XƏBƏRİ PAYLAŞ
  • gplus
  • pinterest