Türkiyə Futbol Federasiyası (TFF) son 5 ildə oyunlara qanunsuz mərc edən 212 peşəkar klub rəsmisini müəyyən edib.

Matc.az xəbər verir ki, onlar federasiyanın intizam şurası qarşısında cavab verəcəklər.

Bu rəsmilər arasında 108-i məşqçi, 104-ü isə klub meneceri də var.

Daha əvvəl TFF-nin xaricdə saxlanılan hesablar da daxil olmaqla, mərc hesablarının olduğu aşkar edildikdən sonra 149 peşəkar hakimi 8 aydan 1 ilə qədər müddətə oyunlardan kənarlaşdırdığı bildirilmişdi. İşdə ümumilikdə 571 aktiv hakim iştirak edir, onlardan 371-nin mərc kontorlarında hesabı var.

Həmçinin bildirilib ki, qanunsuz mərclərlə bağlı istintaq çərçivəsində mindən çox futbolçu TFF-nin intizam şurası qarşısında cavab verəcək.

İstanbul Baş Prokuroru Akın Gürlek bildirib ki, yerli hakimiyyət orqanları tərəfindən İnterpol və UEFA ilə birlikdə aparılan istintaq çərçivəsində bir neçə futbol klubunun rəhbərliyi saxlanıla bilər.