Azərbaycan millisinin futbolçusu Rahil Məmmədov Polşa çempionatında həftənin rəmzi komandasına düşüb. Matc.az xəbər verir ki, bu barədə Ekstraklasanın rəsmi feysbuk səhifəsi məlumat yayıb.

28 yaşlı müdafiəçi XV turun simvolik “11-liy”inə seçilib. Məmmədovun formasını geyindiyi “Radomyak” səfərdə “Poqon”a 1:0 hesabı ilə qalib gəlib. Rahil həmin qarşılaşmanı əvəzedilmədən keçirib.

Qeyd edək ki, “Radomyak” 15 turdan sonra 16 xalla turnir cədvəlinin 13-cü pilləsində qərarlaşıb.