Londonun “Vest Hem” klubu “Real Betis”in yarımmüdafiəçisi Qvido Rodrigesi transfer edib.

Matc.az xəbər verirki, futbolçu azad agent kimi transfer olunub, çünki onun ispaniya klubu ilə müqaviləsi iyulun əvvəlində başa çatıb.

30 yaşlı yarımmüdafiəçinin yeni klubunda nə qədər qalacağı açıqlanmayıb.

Qeyd edək ki, Rodriges “Real Betis”də dörd il yarım oynayıb. O, 173 matçda iştirak edib, 9 qol vurub və 4 məhsuldar ötürmə edib. Həmçinin, o, Argentina milli komandasının tərkibində 2022-ci ildə dünya çempionu olmaqla yanaşı, həm də Amerika Kubokunun ikiqat qalibi olub.