Knyajnanı təmsil edən “Konkordiya” 1957-ci ildə yaradılıb. 63 illik tarixə malik klubun ən böyük uğuru Liqa kubokunun finalına yüksəldiyi 2015-2016-cı illər mövsümünə təsadüf edib. Ötən mövsüm Liqa1-də 14-cü yeri tutan komanda aşağı dəstəyə yuvarlanıb.

Mövsümün ikinci yarısının hazırlıqlarını Türkiyədə davam etdirən “Qəbələ” bu gün növbəti yoxlama matçında qüvvəsini sınayıb. Matc.az xəbər verir ki, “qırmızı-qaralar” Antalya toplanışındakı sonuncu yoxlama oyununda Rumıniyanın “Konkordiya” klubu ilə üz-üzə gəlib.

Görüş “Arkadia” meydançalarında baş tutub. Elmar Baxşıyevin yetirmələrinin qonşu ölkədəki 4-cü matçı Bakı vaxtı ilə saat 18:30-da başlayıb.
 
Knyajnanı təmsil edən “Konkordiya” 1957-ci ildə yaradılıb. 63 illik tarixə malik klubun ən böyük uğuru Liqa kubokunun finalına yüksəldiyi 2015-2016-cı illər mövsümünə təsadüf edib. Ötən mövsüm Liqa1-də 14-cü yeri tutan komanda aşağı dəstəyə yuvarlanıb. Cari çempionatın 19 turunda 21 xal toplayan Knyajna təmsilçisi qış fasiləsinə 20 komanda arasında 16-cı yerdə yollanıb.

"Qəbələ"nin bu rəqiblə oyunu məhsuldar alınıb. Azərbaycan klubu iki dəfə hesabda önə keçməsinə baxmayaraq, sonda bu görüşdən heç-heçə ilə ayrılıb.
 
Xatırladaq ki, bunadək üç yoxlama oyunu keçirən “Qəbələ” Macarıstanın MTK (0:3), Rusiyanın “Çayka” (3:0) və Bolqarıstanın “Etar” (0:0) klubları ilə üz-üzə gəlmişdi.
 
 
Yoxlama oyunu
25 yanvar
 
“Qəbələ” – “Konkordiya” (Rumıniya) 2:2
Qol: Asif Məmmədov, 21. Amin Seydiyev, 52.
“Arkadia” meydançaları.
 
Qəbələ: Tərlan Əhmədli, Asif Məmmədov, Sadiq Quliyev, Amin Seydiyev, Ehtiram Şahverdiyev, Klesio Bauk, Fernan Lopes, Murad Musayev, Rövlan Muradov, Ülvi İsgəndərov, Yusif Nəbiyev.

XƏBƏRİ PAYLAŞ
  • gplus
  • pinterest