"Qarabağ"ın baş məşqçisi Qurban Qurbanov UEFA Çempionlar Liqasının II təsnifat mərhələsində "Şelburn"a qarşı oyundan sonra keçirilən mətbuat konfransında iştirak edib.

Matc.az xəbər verir ki, təcrübəli mütəxəssis oyunla bağlı fikirlərini bildirib:

"İlk öncə futbolçularımı təbrik edirəm. Çox vacib qalibiyyət oldu. Dünən də bildirmişdim ki, istənilən an rəqib bizim üçün gərginlik yarada bilər və bunun şahidi olduq. Baxmayaraq ki, 3:0 qalib olduq, bu o demək ki, biz onlardan çox üstün olduq. Bu hesabı unudub, Bakıdaki oyuna daha ciddi hazırlaşmalıyıq. Bizim ilə burda olan azsaylı azarkeşlərimizə də təşəkkür edirəm. Rəqibə də, qarşıdakı oyunlarda uğurlar arzulayıram".

Qurbanov cütün taleyinin həll olunmadığını vurğulayıb: "Qətiyyən yox. Dünən də bildirdim ki, bu, tam yalnış fikirdir. Bu rəqib məğlub olmağı sevmir. "Şelburn" meydanda nə etdiyini bilən komandadır. Bakıdakı oyunda daha diqqətli olmalıyıq".

Qeyd edək ki, "Qarabağ" - "Şelburn" matçının cavab qarşılaşması 30 iyul tarixində Tofiq Bəhramov adına Respublika Stadionunda keçiriləcək və saat oyun 20:00-da start götürəcək.