“Mançester Siti” son 8 ildə 6-cı çempionluğunu qazanıb. Matc.az xəbər verir ki, Kevin de Bruyne, Bernardo Silva, Ederson, Fil Foden, Con Stonz və Kayl Uolker bununla altıqat İngiltərə çempionu olublar.

Onlar eyni sayda qızıl medala yiyələnən Rio Ferdinand, Ole Qunnar Sulşer, Fil Nevill, Devid Bekhem və Nikki Batta çatıblar. Yalnız “Mançester Yunayted”in 5 oyunçusu daha çox liqa çempionluğuna sahibdi - Roy Kin və Denis İrvin (7), Qari Nevill (8), Pol Skoulz (11) və Rayan Giqqz (13).

Qeyd edək ki, “Mançester Siti” ardıcıl 4-cü dəfə Premyer Liqa çempionluğunu qazanan ilk komanda olub.