İspaniya millisinin yarımmüdafiəçisi Ferran Torres İspaniyanın "Barselona" klubundan Fransanın PSJ komandasına keçməyə razılıq verib.

Matc.az xəbər verir ki, bu barədə "Sky Sports" telekanalının jurnalisti Luka Bendoni məlumat yayıb.

Bildirilir ki, "Barselona" ilə müqaviləsinin müddətinin uzadılmasında yaranan problemlərə görə oyunçu özü bu transferi istəyir. Torresin hazırkı sözləşməsi 2027-ci ilin iyununa qədər nəzərdə tutulub.

Oyunçunun 26 yaşı var, o, 2022-ci ildən bu klubda çıxış edir, komandanın heyətində 3 dəfə İspaniya çempionu və Superkubokunun qalibi olub, bir dəfə isə ölkə kubokunu qazanıb.

Əvvəllər o, İspaniyanın "Valensiya" və İngiltərənin "Mançester Siti" klublarında çıxış edib. Sonuncu komanda ilə İngiltərə çempionu və İngiltərə Liqa Kubokunun qalibi, digər klubu ilə isə İspaniya Kubokunun sahibi olub.

Ölkəsinin yığma komandasının heyətində o, 2024-cü ildə Avropa çempionu və 2023-cü ildə Millətlər Liqasının qalibi adını qazanıb.