"Milan"ın futbolçusu Luka Modriç əməliyyat olunub.

Matc.az xəbər verir ki, bu barədə İtaliya klubunun mətbuat xidməti məlumat yayıb.

Xorvatiyalı yarımmüdafiəçinin Milandakı "La Madonnina" klinikasında baş tutan əməliyyatı uğurlu olub.

Modriç A Seriyasının XXXIV turunun "Yuventus"la matçında (0:0) zədələnib. 40 yaşlı futbolçunun almacıq sümüyündə iki sınıq aşkarlanıb.

Qeyd edək ki, Luka Modriç bu mövsüm "Milan"ın heyətində keçirdiyi 36 oyunda 2 qol vurub, 3 qol ötürməsi edib. Təcrübəli oyunçu mövsümün qalan hissəsində iştirak etməyəcək. Lakin onun dünya çempiona qədər hazır olacağı bildirilir.