"Napoli" "Qalatasaray"a icarəyə verdiyi Noa Lanqla bağlı qərar verib.

Matc.az xəbər verir ki, A Seriyası təmsilçisi niderlandlı vingeri komandaya qaytaracaq. Bu barədə "Il Mattino" nəşri məlumat yayıb.

"Napoli" 26 yaşlı futbolçunu yayda keçiriləcək təlim-məşq toplanışına aparacaq. Oyunçu özünü doğrultsa, yeni mövsümdə komandada qalacaq.

Qeyd edək ki, Noa Lanq bu ilin yanvarında "Qalatasaray"a keçib. Niderland millisinin üzvü "sarı-qırmızılar"ın heyətində keçirdiyi 12 oyunda 2 qol vurub, 1 qol ötürməsi edib.