"Nottingem Forest" "Mançester Siti"nin qapıçısı Stefan Orteqanın transferi ilə bağlı tam razılığa gəlib.

Matc.az xəbər verir ki, bu barədə məlumatı jurnalist Florian Plettenberq paylaşıb.

Bildirilir ki, 33 yaşlı qapıçı "meşəçilər"lə 5 aylıq müqavilə imzalayacaq. Almaniyalı qapıçı bu gün tibbi müayinədən keçəcək.

Qeyd edək ki, Orteqa "Mançester Siti"yə 2022-ci ilin yayında qoşulub. O, bu mövsüm heç bir oyunda iştirak etməyib. Onun klubla hazırkı müqaviləsi 2026-cı ilin yayına qədərdir. "Transfermarkt" portalında qolkiperin dəyəri 5 milyon avrodur.