Bu gün Misli Premyer Liqasının 36-cı turunun "Qarabağ" ­– "Kəpəz" oyunundan sonra mükafatlandırılma mərasimi keçiriləcək.

Matc.az xəbər verir ki, "Azersun Arena"da olacaq mərasimdə mövsümün qalibi "Qarabağ"a AFFA və PFL rəhbərliyi tərəfindən çempionluq kuboku və qızıl medallar təqdim ediləcək.

"Qarabağ" – "Kəpəz" oyunu saat 19:00-da başlayacaq. Ağdam klubunun yaydığı açıqlamada matç üçün 2500 bilet satıldığı bildirilib. Biletlər sektorlardan asılı olaraq 3, 7 və 15 manatdır. 

Qeyd edək ki, "Zirə" mövsümü gümüş, "Araz-Naxçıvan" isə bürünc medalçı kimi bitirib.

"Qarabağ" tarixində 12-ci dəfə çempionluq kubokunu başı üzərinə qaldıracaq.