03 Noyabr 2023, 14:07
TOP OYUNLARI

Voleybol üzrə Azərbaycan çempionatlarının 2023/2024 mövsümündə açılış mərasiminin və ilk oyunun vaxtı açıqlanıb. Matc.az Azərbaycan Voleybol Federasiyasının mətbuat xidmətinə istinadən xəbər verir ki, açılış mərasimi 6 noyabr, saat 15:45-də Bakı İdman Sarayında baş tutacaq.
 
Bunun ardından ilk oyun keçiriləcək. Həmin qarşılaşma qadınlardan ibarət "Azərreyl" və "Abşeron" arasında olacaq. Mərkəzi görüş olaraq müəyyənləşdirilən, 5-ci turun bu matçı saat 17:00-da başlayacaq.
 
Yeni mövsümdə Azərbaycan çempionatlarında 6 qadın, 6 kişi komandası iştirak edəcək. Reqlamentə əsasən hər iki çempionat 4 dövrədən ibarət olacaq və oyunlar dairəvi sistem üzrə keçiriləcək. İlk 4 pilləni tutacaq komandalar pley-off mərhələsinə yüksələcəklər. Orada 2 oyun (tərəflər hərəsi bir qələbə qazanarsa və setlər bərabər olarsa, “qızıl set” oynanılacaq), final və üçüncü yer uğrunda isə 1 qarşılaşma keçiriləcək.
 
Qadınlar: "Abşeron", "Azərreyl", "Gəncə", "Milli Aviasiya Akademiyası", "Murov Az Terminal", UNEC.
 
Kişilər: "Azərreyl", "Xarı Bülbül" (Laçın), "Xarı Bülbül" (Şuşa), MOİK, "Murov Az Terminal", "Neftçi".

XƏBƏRİ PAYLAŞ
  • gplus
  • pinterest