"Neftçi"nin baş məşqçisi Samir Abasov Azərbaycan Premyer Liqasının 10-cu turu çərçivəsində "Qəbələ"yə qarşı keçirdikləri oyunu şərh edib.

"Neftçi"nin baş məşqçisi Samir Abasov Azərbaycan Premyer Liqasının 10-cu turu çərçivəsində "Qəbələ"yə qarşı keçirdikləri oyunu şərh edib.
 
Matc.az xəbər verir ki, o, debüt matçında qazandıqları 4:1 hesablı qələbə ilə bağlı öncə bunları söyləyib:
 
"Oyun başqa hesabla bitsəydi belə, bunu anlayışla qarşılayacaqdım. çünki ilk görüşdür. Yeni baş məşqçinin istədiklərini həyata keçirmək, oyunda tətbiq etmək hər bir futbolçu üçün çətindir. Bunun öhdəsindən bu cür oyunçularla gələcəyimizə inanıram. Oyundan razı qaldığımı deyə bilmərəm. Matça kimi də bəzi problemlərimiz var idi. Bütün komanda şəklində məşq etməmişdik. Əsas heyətin 6-7 üzvü ilə hazırlıq keçirdik. Millinin düşərgəsində olanlar sonradan qoşuldular. Əfsuslar olsun, bütün dünyada olan pandemiya bizim futbolçuları da tutdu ki, bu da planlarımıza mane oldu. Bununla belə, Allaha şükür, buradan qalib ayrılırıq. İnanıram ki, oyunumuz getdikcə yaxşılaşacaq".
 
Sonra baş məşqçi jurnalistlərin suallarını cavablandırıb: "Emin Mahmudovla yanaşı, Mirabdulla Abbasov da COVİD-19-a yoluxduğu üçün bura gəlməyib. O, bizimlə cəmi bir dəfə məşq etdi. çox həvəsli idi, bizi ümidləndirmişdi. Bu gün 100 faiz meydana çıxacaqdı, amma təəssüf ki, testin cavabı pozitiv oldu".

XƏBƏRİ PAYLAŞ
  • gplus
  • pinterest