19 Noyabr 2020, 11:49
APL

Futbol üzrə Azərbaycan Premyer Liqasının 10-cu turunda "Zirə"nin rəqibi "Keşlə" olacaq.
 
Matc.az xəbər verir ki, zirəlilər paytaxt təmsilçilərinin duelinə evdə çıxacaq.
 
Birinci dövrədə rəqibini 3:2 hesabı ilə məğlub edən "qartallar" tarixində 21-ci dəfə "Keşlə" ilə üz-üzə gələcək.
 
Əvvəl "İnter" adlanan rəqiblə ilk görüş 2015/16 mövsümünə təsadüf edib. Bu müddətdə keçirilən 20 qarşılaşmada komandalar hərəyə 6 dəfə qalib gəlib. 8 matçda heç-heçə qeydə alınıb. 47 qolun vurulduğu oyunlarda top fərqi "Keşlə"nin xeyrinədir – 24:23.
 
Son üç ev oyununda "Keşlə"yə uduzmayan "Zirə" rəqibini 10-cu dəfə qəbul edəcək. öz meydanında 3 qələbə və 5 heç-heçəsi olan "qartallar" yalnız 1 dəfə məğlubiyyətlə üzləşib. Qonaqların qapısından 13 top keçirən bu komanda 9 qol buraxıb.
 
Qeyd edək ki, noyabrın 22-də Zirə İdman Kompleksinin stadionunda keçiriləcək "Zirə" – "Keşlə" matçına saat 16:00-da start veriləcək.

XƏBƏRİ PAYLAŞ
  • gplus
  • pinterest