Argentinanın “Boka Xuniors” klubu ölkə kubokunda finala vəsiqə qazanıb. Matc.az xəbər verir ki, komanda yarımfinal mərhələsində “Banfil”i 3:0 hesabı ilə məğlub edib.

Mendozada keçirilən qarşılaşmada hesabı ilk hissənin sonlarında Santyaqo Askasibar açıb. Fasilədən sonra Sebastyan Vilya və Leandro Lozano fərqlənərək komandasının qələbəsini rəsmiləşdiriblər.

Bu nəticə ilə “Boka Xuniors” tarixində beşinci dəfə Argentina Kubokunun finalına yüksəlib.

Finalda komandanın rəqibi “Platense” olacaq. Həlledici qarşılaşmanın dekabrın 2-də keçirilməsi nəzərdə tutulub.

Qeyd edək ki, “Boka Xuniors” ölkə kubokunda beşinci titulunu qazanmağa çalışacaq.