"Liverpul" 2024/25 mövsümü üçün 703 milyon funt-sterlinq rekord gəlir əldə etdiyini bildirib.

Matc.az xəbər verir ki, bu, "qırmızılar"ın rəsmi saytında dərc olunmuş hesabatda açıqlanıb.

20-ci çempionluq klubun rekord nəticələrinə mütənasib olaraq töhfə verib. Xüsusilə, media gəlirləri 60 milyon funt-sterlinq artaraq 264 milyon funt-sterlinqə çatıb. Oyun günü gəlirləri 116 milyon funt-sterlinqə (14 milyon funt-sterlinq artım), kommersiya gəlirləri isə 15 milyon funt-sterlinq artaraq 323 milyon funt-sterlinqə çatıb.

Eyni zamanda, klubun xərcləri də əhəmiyyətli dərəcədə artaraq 657 milyon funt-sterlinqə (57 milyon funt-sterlinq artım) çatıb. Personal xərcləri bu artımın böyük hissəsini təşkil edərək 428 milyon funt-sterlinqə (14 milyon funt-sterlinq artım) çatıb. Bu, vergidən sonra 8 milyon funt-sterlinq xalis mənfəətlə nəticələnib.

Hesabatda qeyd olunur ki, komandanın Çempionlar Liqasının 1/8 final mərhələsinə yüksəlməsi sayəsində media gəlirləri artıb. "Enfild Roud"da yeni tribunanın açılışından sonra oyun günü gəlirləri də artıb.

"Liverpul" "Japan Airlines", "Engelbert Strauss", "Lucozade" və "Husqvarna" ilə yeni tərəfdaşlıq müqavilələri imzalayıb və bu da gəlirlərin artmasında səbəb olub. Qlobal ulduzlar "Teylor Svift" və PINK-in "Enfild"də konsertləri də gəlir artımına öz töhfəsini verib.

Qeyd edək ki, "Liverpul" Çempionlar Liqasının 1/8 finalında "Qalatasaray"la qarşılaşaq.

Arne Slotun komandası hazırda Premyer Liqada 45 xalla altıncı yerdədir.