Fransa çempionu və Çempionlar Liqasının qalibi PSJ cinah oyunçusu Bredli Barkolaya yeni müqavilə hazırlayır.

Matc.az xəbər verir ki, bu barədə məlumatı jurnalist Nikolo Şira paylaşıb.

Yeni anlaşma 2030-cu ilin yayına kimi nəzərdə tutulub və futbolçunun maaşında da ciddi artımı olacağı gözlənilir.

Qeyd edək ki, Barkolun parislilərlə müqaviləsi hazırda 2028-ci ilə kimi hesablanıb. Yarımmüdafiəçi 2023-cü ildə 50 milyon avroya "Lion"dan PSJ-yə keçib.

Ötən mövsüm hücumameyilli yarımmüdafiəçi bütün turnirlərdə 63 oyun keçirib, 21 qol vurub və 21 məhsuldar ötürmə verib.