“Real” karyerasının əvvəlində Lionel Messi ilə maraqlanıbmış. Matc.az xəbər verir ki, bunu argentinalı superulduzun ilk agenti Horasio Qaqqoli açıqlayıb.

O bildirib ki, Lionel 16-17 yaşlarında “kral klubu”ndan təklif alıb: “Real” gənc yaşlarında onunla maraqlanırdı. Lakin Leo heç vaxt “Barselona”dan ayrılmaq istəmirdi. “Arsenal”dan da təklif gəlmişdi. Sadəcə, futbolçunun qalmaq qərarı qəti idi”.

Qeyd edək ki, Lionel Messi 2000-ci ildə - 13 yaşında “Barselona” akademiyasına cəlb olunub. 36 yaşlı futbolçu hazırda “İnter Mayami”nin formasını geyinir.