“Zirə-2” - “Səbail-2” oyununda qonaq komanda limiti pozduğuna görə Bayıl təmsilçisinə 0:3 hesablı texniki məğlubiyyət verilib, “Səbail-2” 400 manat cərimə edilib.

AFFA-nın İntizam Komitəsinin iclasında Əvəzedicilər liqasının I turunda qeydə alınan neqativ hallara da baxılıb. Matc.az xəbər verir ki, toplantıda həmin hallarla bağlı qərarlar qəbul edilib.

“Zirə-2” - “Səbail-2” oyununda qonaq komanda limiti pozduğuna görə Bayıl təmsilçisinə 0:3 hesablı texniki məğlubiyyət verilib, “Səbail-2” 400 manat cərimə edilib.

“Qarabağ-2” - “Kəpəz-2” oyununda PFL Əsasnaməsinin tələbləri pozulduğuna görə “Qarabağ-2” komandası 50 manat cərimə edilib. Matçda xərəkdaşıyan uşaqların say limiti pozulduğuna görə “Qarabağ-2” komandasına 80 manat cərimə kəsilib. Matçın oyunöncəsi iclasında “Kəpəz-2” komandasının nümayəndəsi iştirak etmədiyinə görə “Kəpəz-2” komandası 80 manat cərimə edilib.

“Səbail-2” – “Neftçi-2” oyununda meydan sahiblərinin 4 futbolçusu sarı vərəqə aldığına görə “Səbail-2” komandası 70 manat cərimə edilib. Görüş bitdikdən sonra meydançaya kənar şəxs daxil olduğuna görə “Səbail-2” komandası 80 manat cərimə edilib.

“Sabah-2” – “Zirə-2” oyununda meydan sahiblərinin 4 futbolçusu sarı vərəqə aldığına görə “Sabah-2” komandası 70 manat cərimə edilib.