"Neftçi" Topaz Premyer Liqasının XXIII turunda qarşılaşacağı "Zirə" ilə oyunun hazırlığını davam etdirir. Matc.az-ın klubun rəsmi saytına istinadən məlumatına görə, "Keşlə" ilə qarşılaşmadan sonra birgünlük fasiləyə buraxılan komanda bu gün "Türk Hava Yolları Futbol Mərkəzi"ndə məşqə çıxıb.

Hazırlıq prosesində toplu çalışmalar və müxtəlif təmrinlər yerinə yetirilib. Məşqə ikitərəfli oyunla yekun vurulub. Hazırlıq sabah bir məşqlə davam edəcək.

Qeyd edək ki, aprelin 6-da "Bakcell Arena"da keçiriləcək "Neftçi" – "Zirə" oyunu saat 18:00-da başlanacaq.