İngiltərənin “Arsenal” klubu heyətini yeni futbolçu ilə gücləndirib. Matc.az xəbər verir ki, London təmsilçisi “Brayton”un müdafiəçisi Ben Uaytı transfer edib.
 
Bu barədə “topçular”ın rəsmi saytı məlumat yayıb. İngiltərə millisinin də üzvü olan 23 yaşlı mərkəz müdafiəçisi ilə 5 illik müqavilə imzalanıb.
 
İngiltərə mətbuatının yazdığına görə, “Arsenal” bu transferə görə “Brayton”a 50 milyon funt-sterlinq ödəyəcək.
 
Ben Uayt peşəkar futbolçu karyerasına məhz “Brayton”da başlayıb. Amma o, əvvəlki mövsümlərdə “Nyuport Kaunti”, “Piterboro Yunayted” və “Lids” klublarında icarədə də oynayıb.

XƏBƏRİ PAYLAŞ
  • gplus
  • pinterest