Bolqarıstanın paytaxtı Sofiyada təşkil olunmuş taekvondo üzrə Avropa çempionatı davam edir.
 
Matc.az xəbər verir ki, üçüncü yarış günündə - sabah daha üç idmançımız mübarizəyə qatılacaq.
 
Söhbət Fəridə Əzizova (67 kq), Ayxan Tağızadə (74 kq) və Milad Beigi Hərçəqanidən (80 kq) gedir.
 
Qadın idmançımız Fəridə Əzizova startda Natalia Yuleva (Belarus) - Elin Yohansson (İsveç) cütünün qalibi ilə qarşılaşacaq.
 
Ayxan Tağızadənin ilk rəqibi Atman Butuyak (Fransa) olacaq. Millimizin liderlərindən olan Milad Beigi Hərçəqani isə David Simek (çexiya) - Aleksandr Filippov (İsrail) cütünün qalibi ilə qarşılaşacaq.
 
Xatırladaq ki, ilk iki yarış günündə mübarizəyə qoşulan idmançılarımızdan yalnız Minayə Əkbərova bürünc medal qazana bilib.

XƏBƏRİ PAYLAŞ
  • gplus
  • pinterest