Yeni mövsüm hazırlıqlarını davam etdirən "Qarabağ" ikinci transferini reallaşdırıb.

Matc.az xəbər verir ki, Ağdam klubu Portuqaliyanın "Alverka" klubunun yarımmüdafiəçisi Pedro Bikalyonu heyətinə cəlb edib.

24 yaşlı braziliyalı futbolçu ilə "3+1" illik müqavilə imzalanıb. Yarımmüdafiəçi “Qarabağ”da 35 nömrəli forma ilə çıxış edəcək.

Qeyd edək ki, peşəkar karyerasına 2020-ci ildə "Kruzeyro"da başlayan Pedro 1 il sonra "Palmeyras"a keçib. O, bu klubla 2021-ci ildə Libertadores kubokunun qalibi adını qazanıb.

Yarımmüdafiəçi icarə əsasında Braziliyanın "Vitoriya", Portuqaliyanın "Santa Klara" və "Alverka" klublarında çıxış edib.