Dünya çempionu olan Eldəniz Əzizli bu titula yiyələnən Azərbaycan yığmasının 11-ci güləşçisidi. Matç.az saytı xəbər verir ki, ölkəmiz müstəqillik əldə etdikdən sonra ona qədər 10 idmançımız mundialda fəxri kürsünün ən yüksək pilləsinə qalxmışdı.

Əzizli bu siyahıya 11-ci çempion kimi daxil olub. çempionlarımız bu yarışa müstəqil yığma kimi qatılmağa başladığı vaxtdan 14 qızıl medal qazanıb. Hacı Əliyev 3, Fərid Mansurov 2 dəfə çempion olubsa, digər 9 güləşçi 1 dəfə hamıdan güclü olub.

Eldənizin uğuru ilə "klassiklər" çempionluq sayında sərbəst güləşçilərə çatıb. Belə ki, 14 qızıldan 6-sını yunan-Roma, 6-sını sərbəst növdə güləşənlər əldə edib. Digər iki qızıl qadın güləşçilərinin hesabındadı.

Qeyd edək ki, güləşçilərimizin SSRİ yığmasında çıxış etdiyi dövrü də nəzərə alsaq, Eldənizin çempionluğu 20-ci nailiyyətdi. Təmsilçilərimiz ittifaq millisində 6 dəfə qızıla yiyələnib. Məhyəddin Allahverdiyev (yunan-Roma, 48 kq) üç, Arif Niftullayev (yunan-Roma, 74 kq), Aydın İbrahimov (sərbəst, 57 kq) və Xəzər İsayev (sərbəst, 62 kq) 1 dəfə çempion olub. Əzizli ümumilikdə bunu bacaran 15-ci təmsilçimizdi.

 Azərbaycan yığmasının dünya çempionları