"Napoli"nin ulduz yarımmüdafiəçisi Kevin De Bruyne Belçika millisində kapitan sarğısından məhrum edilib.

Matc.az verir ki, bu barədə "ItalPress" məlumat yayıb.

Bundan sonra nə De Bruyne, nə də digər ulduz veteran Romelu Lukaku yığmada kapitan sarğısını taxmayacaq.

Komandanın yeni daimi kapitanı 28 yaşlı Yuri Tilemans olacaq. Belçika millisinin baş məşqçisi Rudi Qarsiya komandanın uzunmüddətli maraqlarını nəzərə alaraq bu qərarı verib.

Xatırladaq ki, 34 yaşlı yarımmüdafiəçi 2010-cu ildən Belçika millisində çıxış edir. O, ümumilikdə 112 oyun keçirib və 32 qola imza atıb. Bu ilin yayında De Bruyne azad agent kimi "Mançester Siti"dən "Napoli"yə keçib.