"Barselona" yarımmüdafiəçisi Oriol Romeu ilə yollarını ayırıb.

Matc.az xəbər verir ki, bu barədə Kataloniya klubunun mətbuat xidməti məlumat yayıb.

Klubla futbolçu arasında müqavilə 2026-cı il iyunun 30-na kimi hesablansa da, tərəflər əməkdaşlığı daha erkən bitirmək qərarına gəliblər.

Qeyd edək ki, ötən mövsüm 33 yaşlı yarımmüdafiəçi "Jirona"da icarə əsasında çıxış edib. O, La Liqada bu klubda 26 oyun keçirib.