Bir sıra vasitəçilər "Fənərbaxça"nın sabiq baş məşqçisi Joze Mourinyo ilə Rusiyada potensial iş mövzusu ilə bağlı ilkin danışıqlar aparıb.

Matc.az xəbər verir ki, bu barədə "KB Telega" məlumat yayıb.

Portuqaliyalı mütəxəssis məşqçilər korpusu üçün mövsüm başına 20 milyon avro və minimum iki illik müqavilə tələb edir. Mourinyonun "Fənərbaxça"da aldığı maaşın mövsümə görə 15 milyon avro olduğu vurğulanır.

Türkiyə klubu avqustun 29-da Mourinyonu komandanın baş məşqçisi postundan uzaqlaşdırdığını açıqlayıb. Portuqaliyalı 2024/2025 mövsümündən "Fənərbaxça"ya rəhbərlik edib.