"Arsenal"ın müdafiəçisi Yakub Kivior "Porto"ya keçib.

Matc.az xəbər verir ki, bu barədə klubun mətbuat xidməti məlumat paylaşıb.

Bildirilir ki, Portuqaliya klubu 25 yaşlı futbolçunu 2 milyon avroya bir mövsümlük icarəyə götürüb.

Qeyd edək ki, Polşa millisinin futbolçusu olan Kivior "Arsenal"ın heyətində 68 oyun keçirib, 3 qol vurub, 5 məhsuldar ötürmə edib. O, əvvəllər "Anderlext", "Podbrezova", "Zilina" və "Spesiya"da çıxış edib.