“Yuventus” yeni qapıçısını müəyyənləşdirib. Matc.az xəbər verir ki, Turin klubu İtaliyanın digər komandası “Monza”nın qolkiperi Mikele de Qreqorioya elçi düşüb.

Klublar arasında bununla bağlı ilkin danışıq da olub. “Qoca sinyora” 26 yaşlı qolkiperlə şəxsi müqavilənin detallarını da müzakirə edib. Ancaq bunun üçün ya Voyçex Şesnı, ya da Mattia Perin “Yuve”ni tərk etməlidi.

“Bolonya”nın müdafiəçisi Rikkardo Kalafiori də “Yuventus”un prioritet hədəfləri arasında yer alır.