21 Mart 2023, 12:46
TOP OYUNLARI

Kişi həndbolçuların Azərbaycan çempionatının lideri "İdman Akademiyası" uğurlu oyunlar seriyasını davam etdirir. Matc.az xəbər verir ki, "tələbələr" XIX turda "Təhsil"lə qarşılaşıblar.
 
Gərgin və maraqlı mübarizə ilə yadda qalan görüş 30:25 hesabı ilə "İdman Akademiyası"nın xeyrinə nəticələnib. Turun U-16 – "Məhsul" görüşü də nominal qonaqların qələbəsi ilə başa çatıb - 44:18. "Dinamo" isə RİOEUGİM komandasını 47:25 hesabı ilə məğlub edib. 
 
XX turun oyunlarında da gözlənilməz nəticə qeydə alınmayıb. 
"Təhsil" bu turda da "İdman Akademiyası"na ciddi müqavimət göstərsə də, məğlubiyyətdən qurtula bilməyib  22:26. "Məhsul" U-16-ya bu dəfə 36: 22, "Dinamo" RİOEUGİM-ə 48:17 hesabı ilə qalib gəlib.
 
Aktivində 45 xal olan "İdman Akademiyası" çempionatın vahid lideridir. "Məhsul" 35 xalla ikinci, "Dinamo" 30 xalla üçüncü pillədə qərarlaşıb. 4-cü yerdəki "Təhsil"in 27 xalı var. RİOEUGİM-lə U-16 komandası hərəyə 3 xalla 5-ci, 6-cı yerləri bölüşür. "Bakı" 1 xalla çempionatın autsayderidir.

XƏBƏRİ PAYLAŞ
  • gplus
  • pinterest