"Çelsi" "Renn"in mərkəz müdafiəçisi Ceremi Jake transferini təmin etməyə çalışır.

Matc.az xəbər verir ki, bu barədə "RMC Sport" məlumat yayıb.

Bildirilir ki, London klubu 20 yaşlı futbolçu üçün Fransa klubuna 50 milyon avro təklif etməyə hazırdır. Lakin "Renn" Jakenin satışından 60 milyon avrodan çox pul istəyir.

Təklif hələ rəsmi olaraq təqdim edilməyib. "Çelsi" mərkəz müdafiəçisi mövqeyini gücləndirmək üçün digər variantları nəzərdən keçirir, lakin Jake londonluların əsas hədəflərindən biridir.

Qeyd edək ki, bu mövsüm Jake bütün yarışlarda 17 oyunda qol vurmayıb. Onun klubla müqaviləsi 2029-cu ilin yayına qədərdir. "Transfermarkt" portalındakı futbolçunun dəyəri 20 milyon avrodur.