İtaliyanın "Roma" klubunun heyətində ciddi itki baş verib.

Matc.az xəbər verir ki, A Seriyası təmsilçisinin hücumçusu Artem Dovbik sıradan çıxıb.

Ukraynalı futbolçu bud əzələsindən zədə alıb. Dovbik yaxın günlərdə əməliyyat olunacaq. 28 yaşlı forvard təxminən 2 ay yaşıl meydanlardan uzaq qalacaq.

Qeyd edək ki, Artem Dovbik bu mövsüm "Roma"nın heyətində keçirdiyi 17 oyunda 3 qol vurub, 2 qol ötürməsi edib.