12 Aprel 2023, 12:32
ÇEMPİONLAR LİQASI

"Bavariya" UEFA çempionlar Liqasının 1/4 final mərhələsinin ilk matçında "Mançester Siti"yə səfərdə 0:3 hesabıyla uduzub. Matc.az xəbər verir ki, Münhen təmsilçisi bununla da İngiltərədə ən böyükhesablı məğlubiyyət antirekordunu təkrarlayıb.
 
Münhenlilər ilk dəfə 1971-ci ildə Yarmarkalar Kubokunun 1/4 finalında "Liverpul"a eyni hesabla uduzmuşdular.
 
"Bavariya" həm də 2017-ci ildən bəri ilk dəfə avrokuboklarda 3 cavabsız qolla məğlub olub. Altı il əvvəl almanlar Fransa klubu PSJ-yə 0:3 hesabı ilə uduzmuşdular.
 
Xatırladaq ki, "Bavariya" ilə  "Mançester Siti" arasındakı cavab qarşılaşması Almaniyada baş tutacaq. Lakin Münhen təmsilçisi tarixi ərzində heç vaxt avrokubokların ilk matçındakı 3 top fərqli məğlubiyyətdən sonra cavab qarşılaşmasında geridönüş edə bilməyib.

XƏBƏRİ PAYLAŞ
  • gplus
  • pinterest