Avrokubokların qrup mərhələsinin III turundan sonra klubların UEFA reytinqi açıqlanıb. Matç.az saytı xəbər verir ki, çempionlar Liqasının 16, Avropa Liqasının 24 qarşılaşması siyahıda bəzi dəyişikliklərə səbəb olub.
İlk "yüzlük"dəki yeganə klubumuz, Azərbaycan çempionu "Qarabağ"ın mövqeyi dəyişməz qalıb. Avropa Liqasının ev qarşılaşmasında "Vorskla"ya 0:1 hesabı ilə uduzan Qurban Qurbanovun yetirmələri xal hesabını artıra bilməyib.
Aktivində 22,000 xal olan komanda "Lester" (İngiltərə) və "Feyenoord"la (Hollandiya) şərikli 63-cü sırada qalıb.
Hesabat turunda qələbə qazanan Zaqreb "Dinamo"su, "Valensiya" və "Genk" "Qarabağ"a yaxınlaşıb. Sonuncu iki komanda təmsilçimizdən 2,000 xal geridədisə, Xorvatiya çempionu "Qalatasaray"a çatıb. "Qarabağ"ın ən yaxın izləyicisi olan bu iki klubla fərq 0,500 xaldır.
Digər Azərbaycan klublarından "Qəbələ" 163-cü sıraya şərik qalıb. Oyunlardan öncə 279-cu yeri bölüşən "Neftçi", "Zirə", "Keşlə" və "Kəpəz" isə 5 pillə geriləyib. Buna Qazaxıstan təmsilçiləri "Tobol", "İrtış", "Ordabası", "Şaxtyor" və "Aktobe"nin onları keçməsi səbəb olub.
İlk "onluq"
1. "Real" (İspaniya) – 135,000
2. "Barselona" (İspaniya) – 118,000
3. "Bavariya" (Almaniya) – 117,000
4. "Atletiko" (İspaniya) – 115,000
5. "Yuventus" (İtaliya) – 113,000
6. "Sevilya" (İspaniya) – 95,000
7. PSJ (Fransa) – 91,000
8. "Mançester Siti" (İngiltərə) – 89,000
9. "Arsenal" (İngiltərə) – 81,000
10. "Porto" (Portuqaliya) – 79,000
"Qarabağ"ın rəqibləri
9. "Arsenal" (İngiltərə) – 81,000
34. "Sportinq" (Portuqaliya) – 44,000
141. "Vorskla" (Ukrayna) – 7,340
"Qarabağ" və qonşuları
57-58. "İnter" (İtaliya) – 24,000
"Dnepr" (Ukrayna) – 24,000
59. PAOK (Yunanıstan) – 23,500
60-61. "Styaua" (Rumıniya) – 23,000
"Sent-Etyenn" (Fransa) – 23,000
62. BATE (Belarus) – 22,500
63-65. "Qarabağ" (Azərbaycan) – 22,000
"Feyenoord" (Hollandiya) – 22,000
"Lester" (İngiltərə) – 22,000
66-67. "Qalatasaray" (Türkiyə) – 21,500
"Dinamo" (Zaqreb, Xorvatiya) – 21,500
67. "Leypsiq" (Almaniya) – 21,000
68-69. "Valensiya" (İspaniya) – 20,000
"Genk" (Belçika) – 20,000
Digər Azərbaycan klubları
163-164. "Qəbələ" (Azərbaycan) – 6,250
284-287. "Keşlə" (Azərbaycan) – 3,700
"Neftçi" (Azərbaycan) – 3,700
"Zirə" (Azərbaycan) – 3,700
"Kəpəz" (Azərbaycan) – 3,700