"Arsenal"ın yarımmüdafiəçisi Denis Suaresin taleyinə aydınlıq gəlib. Matc.az saytının "Sun" nəşrinə istinadən məlumatına görə, ispaniyalı futbolçu "topçular"da qalmayacaq.

Zədəli olduğu üçün mövsümü erkən başa vuran 25 yaşlı oyunçu yayda müqavilə ilə məxsus olduğu "Barselona" klubuna qayıdacaq. "Arsenal"ın onu birdəfəlik transfer etmək haqqı olsa da, "kanonirlər" buna ehtiyac duymurlar.

Qeyd edək ki, yanvarda "Arsenal"a icarəyə verilən Denis Suares Premyer Liqa klubunun heyətində 6 oyun keçirib.