I divizionda XXIII turun daha iki oyunu keçirilib. Matc.az saytının məlumatına görə, bu gün liderlər qrupunda qərarlaşan komandalar meydana çıxıb.
Turnir cədvəlinə başçılıq edən MOİK bu turda büdrəyib. "Neftçi-2" Elnur Süleymanovun het-trik etdiyi görüşdə Premyer Liqaya vəsiqəni təmin edən "hərbçilər"ə böyük hesabla qalib gəlib.
Bundan məharətlə yararlanan "Sumqayıt"ın ikinci komandası Gəncədə "Kəpəz"i məğlub edərək, liderlə aradakı xal fərqini 3-ə endirib.
I divizion
XXIII tur
"Kəpəz" - "Sumqayıt-2" - 1:3
Fərid Məmmədov, 12 - Fərid Bayramov, 55 (avtoqol); Baxşəli Baxşəliyev, 76; İsmayıl Babayev, 84
"Neftçi-2" - MOİK - 4:1
Elnur Süleymanov, 8, 11, 62; Əlibəy Məmmədli, 84 - Raul Yaqubzadə, 44 (pen.)
Qeyd: "Zaqatala" - "Qarabağ-2" oyunu güclü yağış səbəbindən təxirə salınıb.