29 Noyabr 2020, 11:48

İngiltərə Premyer Liqasının 10-cu turu çərçivəsində "Brayton"la 1:1 hesablı bərabərliyə razılaşan "Liverpul" itki ilə üzləşib.
 
Matc.az xəbər verir ki, "qırmızılar"ın futbolçusu Ceyms Milner sıradan çıxıb.
 
Oyunun 74-cü dəqiqəsində zədələnən yarımmüdafiəçi oyunu davam etdirə bilməyib və əvəzlənib. Onun əzələsindən zədə aldığı bildirilir.
 
34 yaşlı futbolçunun son vəziyyətinin tibbi müayinədən sonra dəqiqləşəcəyi deyilir.
 
Qeyd edək ki, "Liverpul"da Trent Aleksander-Arnold, Co Qomes, Vircil van Deyk, Tyaqo Alkantara, Cordan Henderson, Nabi Keyta və Cerdan Şakiri də zədədən əziyyət çəkir.

XƏBƏRİ PAYLAŞ
  • gplus
  • pinterest