21 yaşadək futbolçulardan ibarət Azərbaycan millisinin üzvü Fərid Nəbiyev Avropa çempionatının seçmə oyunlarına hazırlaşan komandanın toplanışında iştirak edə bilməyəcək.
Matc.az AFFA-nın rəsmi saytına istinadən xəbər verir ki, buna çexiyanın "Viktoriya" (Jijkov) klubunda çıxış edən yarımmüdafiəçinin koronavirusa yoluxması səbəb olub.
Nəbiyevdən klubun düşərgəsində götürülmüş COVID-19 testi müsbət çıxıb. Bu səbəbdən, gənc oyunçu çexiyadan Slovakiyaya yollanmayıb. Halbuki, Nəbiyev milli komandaya bu gün Slovakiyada qoşulmalı idi.
Azərbaycanlı futbolçu ilə yanaşı "Viktoriya"nın fiziki hazırlıq üzrə məşqçisi Karel Frid və adı açıqlanmayan daha bir futbolçuda da infeksiya aşkarlanıb. Bu barədə yerli "expres.cz" saytına açıqlamasında Fridin özü məlumat verib. O bildirib ki, əvvəlcə bir nəfərin testi müsbət çıxıb: "Şənbə günü növbəti dəfə bizdən analiz götürdülər və daha 2 nəfərin yoluxduğu məlum oldu. Halbuki, klubda hər gün dezinfeksiya işləri aparılır. Bütün təlimatlara əməl olunur. Toplar, stadion, otaqlar dezinfeksiya edilir".
Dad və qoxu bilmə hissini itirdiyini söyləyən Frid oktyabrın 13-dək karantində qalacaqlarını söyləyib.
Qeyd edək ki, U-21 millisi Slovakiya ilə oktyabrın 8-də Nitra şəhərində görüşməlidir. Oktyabrın 13-də isə yığma Qori şəhərində Gürcüstanın qonağı olacaq.
XƏBƏRİ PAYLAŞ
Xəbərlər
"Mançester Yunayted"ə 4 milyon avro
"Otto Conun qaçırdığı epizodlar matçın
“Söz-sözbətlərə adekvat cavab verdik“ -
"Sumqayıt" səfərdə "Turan Tovuz"a qalib
Braziliya millisinin üzvü qərarını verdi
“Bavariya” Musiala ilə bağlı qərarını
“O, dünyanın ən yaxşı məşqçisidi”
Paytaxt klubu mübarizəyə qoşuldu
Benitesə Braziliyadan təklif
“Qvardiolaya görə, futbolumuzun DNT-sini unutmuşuq”
“Qarabağ”ın hücumçusuna “elçilər”
