Futbol üzrə Almaniya Bundesliqasında yeni mövsümün başlayacağı tarix açıqlanıb. 
 
Matc.az xəbər verir ki, 2020/21 mövsümündə ilk turun matçları 18-21 sentyabrda baş tutacaq. 
 
Bu barədə Almaniya Futbol İttifaqının (DFB) rəsmi saytı məlumat yayıb. Qurum yeni mövsümün 11-14 sentyabrda ölkə kubokunun oyunları ilə başlayacağını da açıqlayıb.
 
Azərbaycan milli komandasının futbolçusu Dmitri Nazarovun şərəfini qoruduğu "Ersgebirge" komandasının iştirak etdiyi ikinci Bundesliqada da ilk tur 18-21 sentyabrda olacaq. 
 
Bundesliqada 2020-ci ilin son turu 18-21 dekabrda gerçəkləşəcək. Mövsümün gec başlaması ilə əlaqədar qış fasiləsi qısaldılacaq və matçlar yanvar ayının ilk həftəsonunda davam edəcək.
 
Mövsüm mayın 22-də yekunlaşacaq. Bundesliqada qalmaq üçün keçirilən pley-off görüşləri 26 və 29 mayda olacaq.
 
Qeyd edək ki, Bundesliqada 2019/20 mövsümünün qalibi "Bavariya" olub.

XƏBƏRİ PAYLAŞ
  • gplus
  • pinterest