Premyer Liqanın 21-ci turunda "Səbail"lə üz-üzə gələcək olan "Sumqayıt" bu qarşılaşmaya hazırlığı davam etdirir. Matc.az xəbər verir ki, komanda baş məşqçi Ayxan Abbasovun rəhbərliyi altında bu gün növbəti məşqini keçirib.
 
Zədəsini tamamilə sağaltmış Murad Xaçayev artıq komanda ilə birlikdə məşqlərə başlayıb. Bundan başqa, əvəzedici komandanın bir neçə futbolçusu da əsas heyətə cəlb olunub.
 
Təxminən 1,5 saat davam edən hazırlıq prosesində fiziki gücün artırılması və müxtəlif toplu hərəkətlər üzərində çalışılıb. Məşqə ikitərəfli oyunla yekun vurulub.
 
Qeyd edək ki, martın 15-də keçiriləcək "Sumqayıt" - "Səbail" qarşılaşmasına saat 16:00-da start veriləcək.

XƏBƏRİ PAYLAŞ
  • gplus
  • pinterest