"Atletiko"nun baş məşqçisi Dieqo Simeone rəhbərliyin yeni müqavilə təklifini qəbul edib. Matç.az saytının "Marca"ya istinadən məlumatına görə, yeni sözləşməyə əsasən, argentinalının maaşı artırılacaq.

Müqavilə şərtləri açıqlanmasa da, Simeonenin əməkhaqqısı hətta komandanın ən yüksək ödənişli futbolçusu olan Antuan Qrizmandan da çox olacaq. Hansı ki, fransalı forvardın illik məvacibi 20 milyon avrodu.

Qeyd edək ki, 2011-ci ildən "Atletiko"nu çalışdıran Dieqo Simeonenin hazırkı müqavilə müddəti 2020-ci ilin yayına qədərdi.