Karyerasında 6-cı dəfə "Qızıl top" mükafatına layiq görülən "Barselona"nın kapitanı Lionel Messi hisslərini bölüşüb. Matc.az saytının xarici mətbuata istinadən məlumatına görə, argentinalı superulduz fərdi mükafata önəm vermədiyini söyləyib.

Leo həmçinin "Barselona" ilə yeni müqavilə bağlamaq məsələsinin problem olmadığını da vurğulayıb: "Klubda işləyən insanlar məni tanıyırlar. Müqavilə məsələsində heç bir problem olmadığını bilirlər. "Barselona"ya olan hisslərim hər hansı bir imza və ya kağızı aşır. Həmişə deyirəm ki, bu kimi fərdi mükafatlar əvəzinə çempionlar Liqası və ya Amerika Kubokunu qazanmaq istərdim. Hazırda 32 yaşım var. Hər şey insanın necə hiss etməyindən asılıdı. Bu gün özümü həmişəkindən daha yaxşı hiss edirəm".

Qeyd edək ki, Lionel Messi 2009, 2010, 2011, 2012 və 2015-ci ildə də "Qızıl top"a sahib olmuşdu.

XƏBƏRİ PAYLAŞ
  • gplus
  • pinterest