"Arsenal" baş məşqçisi Unai Emerini istefaya göndərib. Matc.az xəbər verir ki, bu haqda klubun saytı məlumat yayıb.

İstefaya komandanln son uğursuz çıxışları səbəb olub. İspan mütəxəssis öz məşqçi heyəti ilə birgə "Arsenal"ı tərk edib. Baş məşqçi vəzifəsinin müvəqqəti olaraq Fredrik Yunqberq icra edəcək.

London təmsilçisi bütün turnirlərdə son 7 matçın heç birində qələbə qazana bilməyib. Bu, klubun son 27 ildə ən pis göstəricidi.

Xatırladaq ki, Emeri "Arsenal"a 2018-ci ilin yazından rəhbərlik edirdi.