Tura autsayderlər "Liman"la "Yasamal" İSK arasında duellə yekun vurulub. Sonuncular mövsümdə ilk qələbəsini qazanmağa yaxın olsa da, üstünlüyünü əldən verib.

Bu gün futzal üzrə Azərbaycan çempionatının Yüksək Liqasında II dövrəyə start verilib. Matç.az saytı xəbər verir ki, VIII turun üç oyunu eyni gündə baş tutub.

Günün ilk matçında son çempion "Araz" "Yasamal" FK-nı məğlub edib – 9:6. çempionatın lideri "Neftçi" isə "Xəzər Cənub"a qalib gəlib – 4:2.

Tura autsayderlər "Liman"la "Yasamal" İSK arasında duellə yekun vurulub. Sonuncular mövsümdə ilk qələbəsini qazanmağa yaxın olsa da, üstünlüyünü əldən verib.

Qeyd edək ki, bu turda EKOL istirahət edib.

Yüksək Liqa
VIII tur
7 noyabr

"Araz" – "Yasamal" FK - 9:6
Bakı İdman Sarayı. Hakimlər: Anar Fərəcov, Fuad Həsənov, Kənan Məlikov

"Neftçi" – "Xəzər Cənub" - 4:2
Bakı İdman Sarayı. Hakimlər: Elçin Səmədli, Hikmət Qafarlı, Rahin Heybətov

"Liman" – "Yasamal" İSK – 7:5
Bakı İdman Sarayı. Hakimlər: Azad Hüseynov, Anar Fərəcov, Elmir Quluzadə