Uelsin "Kardiff Siti" klubu təyyarə qəzasında ölən mərhum futbolçu Emiliano Salanın transferi üçün Fransa təmsilçisi "Nant"a 6 milyon avro ödəyəcək. Matc.az xarici mətbuata istinadən xəbər verir ki, bu barədə FİFA qərar verib. 
 
"Kardiff Siti" Salanın transfer məbləğini üç dəfəyə ödəməyə və bu ilin fevralında 5 milyon funt-sterlinq verməyə razı olsa da, rəhbərlik sonradan fikrini dəyişib. Bundan sonra "Nant" "Kardiff Siti"dən FİFA-ya şikayət edib.
 
Sala "Nant"dan "Kardiff Siti"yə 15 milyon funt-sterlinqə transfer edilmişdi. O, müqavilə imzaladıqdan sonra yarımçıq qalan işlərini həll etmək üçün Nant şəhərinə qayıtmışdı. Lakin yanvarın 21-də pilot David İbbotsonun idarə etdiyi ABŞ istehsalı olan "Piper-P46 Malibu" markalı təyyarə La-Manş boğazında radardan itmişdi. Daha sonra Salanın cəsədi qəzaya uğrayan təyyarənin dağıntıları arasında tapılıb.

XƏBƏRİ PAYLAŞ
  • gplus
  • pinterest