“Qarabağ”ın avrokubokdakı növbəti rəqibi müəyyənləşib. Matc.az xəbər verir ki, Çempionlar Liqasında APOEL-ə (Kipr)  uduzan (2:1, 0:2) Azərbaycan çempionu Avropa Liqasının pley-offunda "Linfild"lə (Şimali İrlandiya) üz-üzə gələcək.

Şimali İrlandiya çempionatının qızıl medalçısı qitənin ikinci dərəcəli klub turnirinin III təsnifat mərhələsində "Sutyeska"nı (Monteneqro) yarışdan kənarlaşdırıb. Bu komandalar arasındakı ilk görüş Monteneqroda baş tutub və "Linfild" 2:1 hesabı ilə qalib gəlib. Şimali İrlandiyadakı cavab matçında da ev sahibləri qələbə qazanıblar. "Linfild" rəqibini bu dəfə 3:2 hesabı ilə məğlub edib.

Qeyd edək ki, Avropa Liqasının pley-offu avqustun 21-də və 28-də keçiriləcək. "Qarabağ" ilk matçına səfərdə çıxacaq.

 

 

XƏBƏRİ PAYLAŞ
  • gplus
  • pinterest